Ish-deputeti i pavarur, Korab Sejdiu, ka thënë se beson që koalicioni në mes Lidhjes Demokratike të Kosovës dhe Lëvizjes Vetëvendosje do të ndodhë së shpejti.

“Besoj se do të ketë një marrëveshje, nuk e di çfarë do të jetë por do të ketë. Sepse këto parti janë të pjekura politikisht dhe e kthejnë mbarë Kosovën”, ka thënë Sejdiu.

Ai madje mendon se se për shkak se partitë kanë hezituar që ta bëjnë menjëherë koalicionin, kjo gjë është e mirë.

“Ne duhemi me tregu pjekuri politike. Ndoshta është mirë që janë rrokë pak në fillim, sepse nëse negociohet mirë ndoshta mandati i tyre do të zgjatë katër vjet”, ka thënë Sejdiu.

“Unë shpresoj që marrëveshja do të bëhet sa më shpejt në mënyrë që plani i tyre të realizohet me sukses”, tha Sejdiu

Ndërsa për postin e presidentit, Sejdiu preferon që ky post të zgjidhet nga populli dhe shpreson që qeveria e parlamenti i ardhshëm ta bëjnë këtë reformë.

“Unë kisha preferuar që presidenti të zgjedhjet nga populli. Unë shpresoj që qeveria dhe parlamenti ta bëjnë këtë reformë”, shtoi Sejdiu.Express